كبرنا ،،
وحققنا حلمنا ودخلنا الجامعة ،،
وايد قالولي الجامعه فيها جذي وجذي وجذي ،،
ديربالج من البنات ،،
ديربالج من بعض الدكاتره ،،
وديربالج حتى من نفسج !!!
سمعت سوالف وقصص اقرب للخيال يقولون انها صايره بالجامعة ،،
بس بصراحه ولا شي شفته موجود من السوالف اللي قالوها ،،
مع ان صارلي سنتين بس كل الامور ماشيه طبيعية ،،
وحتى البنات اللي تعرفت عليهم بأول كورس من احسن البنات وتمينا best frnd
الحين وبهالفتره بالذات قمت اسمع حجي عن بعض تصرفات الدكاتره في كليه *** من رفيجاتي ،،
طاحوا من عيني هالدكاتره ،،
من هالسوالف ،،
سالفه من السوالف اللي سمعتها ،،
ان في دكتور ومعروف بالكلية بسوالفه الــ ..... اشكره يقول حق البنات ولا وحده راح تاخذ الA ،،
انا راح اسقط الكل ،،
الا اذا ،،
وركزوا على الا اذا وحطوا تحتها مليوون خط ،،
1- تطلع معاي ونروح الافنيووز 2- ادزلي صورتها واهي لابسه ....3- تعطيني رقمها واكلمها
كل اقتراح احلى من الثاني مشالله ،،
فطبعا ثلاث ارباع الكلاس كله ساقط ،،
والباجي عارفين ليش نجحوا ،،
لهالدرجه تصير هالاشياء الوصخه بجامعة الكويت ؟؟
ليش توصل السالفة لي الادارة وتوقف ولا يسوون شي ؟؟
شنو الاقتراحات اللي تتوقعون اهي الانسب لحد هالدكتور من تصرفاته ؟؟
سمعتوا سالفه بنفس هالموضوع وصايره بالجامعه ؟؟
شاركونا n_n

ما بـــيــني !!

ما مره صادف ان سمعتوا احد قال ،،
لييييييييييييييييش انا موجود بهالدنيا ،،
بس مابــيــني ،،
لو اموت احسن ،،
ماكو هدف من وجودي ،،
وتشوفون هالشخص من صج فاقد الامل بكل شي ،،
مافي شي يقدر يفرحه ،،
وتسمع ضحكته بس داخله يبجي ،،
شنو يصير فيك لو كان هالشخص غالي عليك ،،
شنو يصير فيك لو كان هالشخص اعز انسان عندك ،،
تحاول تساعده بكل ما تقدر ،،
بس كل محاولاتك فاشله ،،
تشوفه جدامك يموت وانت ما تقدر تسوي له اي شي ،،
شنو يكون موقفك لما يكون هالشخص حبيبك !!!

في حاله الحب الصادق ،،

واقصد الحب اللي بعده زواج ،،

القرار دايما يكون صعب ،،

اقدر او ما ماقدر ؟؟

اقدر اتحمل المشاكل اللي قاعده تصير من غيره ولا مبالاة من الطرف الثاني ،،

اقدر اتحمل الطعنات اللي تكون غالبا من غير قصد بس تسبب جرح كبيييييييييييييييييير لي ،،

اقدر اكمل حياتي ويتم الزواج ؟؟

أسألة صعبة والاصعب القرار !!!

وايد منا ما عندهم القدره على بوح مشاعرهم ماقصد الحلوه من حب وشوق لأ ،،

اقصد مشاعر الالم ، الحزن ،،

مو لضعف الشخصية بالعكس ،،

بس خوفا على مشاعر الطرف الثاني ،،

البعض ممكن يقول هذا اهو الحب والمفروض يكون فيه تضحية ،،

البعض الثاني يقول اذا كان هذا الحب وعشانه اتحمل ،، بعد الزواج هل اقدر اتحمل او لأ ؟؟

غالبا ما يكون الزواج اللي كان اساسه حب غييييييييييييييير عن الزواج التقليدي ،،

الزواج اللي اساسه حب نكون فاهمين بعض اكثر ،،

عارفين بعض اكثر ،،

نعرف تفاصيل حياه الطرف الثاني اكثر واكثر ،،

الصراحه غالبا ما تكون موجوده لأقصى الحدود ،،

احيانا ما نكون الحب الاول في حياته ،،

والكل يعرف ان الحب الاول حتى لو شنو كانت احداثه يكون على البال ،،

فالمفروض ما نستغرب اذا يه يوم وقالنا "اشتاق له "

اكيد بتستغربون وتقولون مافي احد بهالصراحه والجرأه ،،

بس انا اقولكم نفرض ان فيه ،،

بتستحملوون ؟؟ ،،

تقدرون تستحملون هالصدمه وتسوونلها دلييت ويتم الزواج ؟؟

سؤال يحتاج لأجابة من اصحاب الخبره في الحب ،،

مرات نحس بان نبي الشي بس بنفس الوقت ما نبيه ،،//

نخاف ناخذ قرار مو عشان شي ،،//

بس لان قرار يغير مصيرنا ،، يغير حياتنا ،، يغير تفكيرنا ،،//

والمشكله لما نحس ان هالشي اكبر من ان نقدر نتحمله بروحنا ،،//

نحتاج احد يكون معانا بهاللحظه ،،//

ام ،، اخت ،، اي كان ،،//

بس ما نقدر نتكلم ،،//

بدش الموضوع دغري لاني جد جدددد للحيني مصدومه =/

انا ادري ان عندي امتحان مدخل دراسات نقديه تاريخ 22 من هالشهر ساعه 8 وبعده بالضبط بيوم امتحان عقيده ساعه 11،،//

اوك وين المشكله انا اقولكم xD

رحت اليوم من ساعه 7 و دارسه عدددل حق امتحان مدخل ،،//

نطرت لييين ساعه 8 و انطر البنات انطر الدكتوره ماكووو @@ ،،//

شنوو شالسالفه مادري ،،//

والمشكله ما عندي رقم وحده معاي بهالمحاضره ،،//

و روحي سيييده ع الارشاد مال التربيه ،،//

ويقولولي المفروض تروحين ارشاد الاداب و ركض اروحلهم ،،//

والصدمه يووم قالولي ان امتحان المدخل كان امس ،،//

انا شكلي كان جي @@

هااا نعم شلووووووووووون ،،//

وشسوي الحين قالوا لازم اروح عند سكرتاريه العربي وقصه وكاني وماني ،،//

المهم و لسووووء الحظ وبما اني من مواليد 90 فالتقبيس السنع كله عندي ،،//

جنطتي اليوم بالذااااااااات مو يايبتها ،،//

لاني كنت ابي اروح اخذ طبيه فأبي بطاقتي المدنيه =/

خلصت من هذا كله و قلت يالله الحيين اريح بالبيت عشان ادرس حق امتحاني اللي باجر عقيده ،،//

جك بوووم ياني الوحي @@

قاع استوعب مدام امتحاني مدخل امس يعني شنوو @@

يعني اليووووم امتحاني العقيييده @@

ايييييييييييييي شييييييييي @@

واروووح ادق ع البيت اخليهم يجيكون ع الجدول ،،//

بس طلعت ظنوني صح ="(

امتحاني ساعه 11 وانا موو داارسه شي وكان الوقت بحزتها 10 ،،//

ياااااااااااااااااااا مصيييبتي ،،//

وروووحي بسرعه فتحي التلخيص اللي مسويته من قبل و اقري طيااري =/

ودشي الامتحااان ع عمااج ،،//

الله يستر شهاليوم الخايس =(

،،// ..:: تجرح ــح وانا ــاأتحملك ــك ،، معذور ــر قلبي ــي دللك ــك ::.. // ،،

اتضايق لما اشوف احد ماخذ فكره غلط عني ،،!!

عادي يجرح ،،!!

عادي يضايقني ،،!!

عادي يقول اللي يقوله ،،!!

بس ان يتهمني بشي مو فيني ،،!!

حددده اححح =( ،،!!

~~! أضحك ومن داخلي بجيت !~~
يمروون علينا ناس تحس ما ودك تقوم منهم ،، ضحك ،، وناسه ،، فصله يمر الوقت معاهم بسرعه ،،!!
بس مره سمعت (( ان مو كل واحد يضحك يعني،، مستانس ،، يمكن مشاكله اكبر من اللي يقعد و يشتكي بس ما يبين هالشي عليه ))
وصج عاد ،،!
صادفت ناس من هالنوع ومن يومها وانا ابصم بالعشر ع هالحجي ،،!
صرت كل ما اشوف احد يضحك و شايل المكان شيل ،، اتأمل فيه وافكر ،، شنو حجم المشاكل اللي فيه ،،!
يمكن تقولون اني واايد متشائمه ،،!
بس بالعكس ،، لو تشوفونها من ناحيه ثانيه راح تفهموني ،،!

~~! بعض البشر ساكت ،، وقلبه يحبك !~~

صعب ان الواحد يحب شخص وما يقدر يوصله ،،!

صعب ان انطبق المثل اللي يقول حب من يحبك ولا تحب من تحبه ،،!

صعب لما تحس نفسك تحب اثنين بنفس الوقت ،،!

صعب ان يستصغرك ويهينك اللي يحبك ،،!

وايد اشياء صعبه ،،!

والسبب " الحب "

ع قوله راشد الماجد ،، بلا حب بلا وجع قلب

خلاص بسوي حمله "القضاء ع الحب " لول

مرات احد يجرحنا ومانقدر نرد عليه
ودنا نصررخ ودنا نقوول والله انك فاهمنا غلط
بس مااا نقدر
المشكله لا كان شخص عزيز و قريب حييييل علينا
فالحل يكوون بان ننسحب من حياته
نتألم ،، نبجي ،، بس كل هذا ما يكون مهم
كافي ان نريح هالشخص لان وجودنا يضايقه
يمكن الحل يكون غلط ،،!
بس هذا اسلوبي

احلى يووم xD

صج صج صج احس بونااسه مو قادره اوصفها لكم ،،//

احس الدنيا بدت تضحكلي ،،//



صج ان اللي صار مو لي ،،//



يعني لناس اعرفهم ،،//



بس صار كل شي بوقت واحد ،،//



ولد خالتي بيطلعونا من المستشفى ((عمره سنه فيه لوكيميا )) ،،//



خالي شفته من بعد 5 شهور تقريبا ،،//



ابوي طلعت بضاعته لوووووول كان فاقد الامل فحددده استانس من هالخبر ،،//



امي مستانسه لان صارلها شغله بدوامها ،،//



فحدددد حدددي استانست لهم ^^

احم كحوو اتشوو << فيس مستحي

طحت ع هالمكاان بمحض الصدفه << اووخ شهالمصطلحات كااك ،،//

كنت قاع اشير كلمات واطلع صور بجوجل وبقدره قاااااااااااادر دشييت هني @@ ،،//

اول بلوق قريته كان حق المباركيه و بعديين يو تيرن وبعديين واايد تهييهييي ،،//

و ترى مادري شالطبخه وشسوي وشلوون وشحقه ،،//

فيمكن تلقوون شويه حووسه ولخبطه ببلوقي x$

وشسموونه احم بس ^^